Umukinnyi w’umunyarwanda Hamza Ruhezamihigo ukinira ikipe ya Basketball ya Concordia Mantreal yo muri Canada aragera mu Rwanda uyu munsi kuwa Mbere aho ahita asanga bagenzi be mu mwiherero w’amajonjora y’igikombe cy’isi cya Basketball.

Hamza ariyongera mu bari mu mwiherero uyu munsi



Mu mpera z’icyumweru gishize nibwo abakinnyi b’ikipe y’igihugu ya Basketball y’u Rwanda yatangiye umwiherero. Umutoza Mutokambali Moïse w’ikipe y’igihugu yavuze ko yatangiranye umwiherero n’abakinnyi bakina imbere mu gihugu 17.

Ikipe y’igihugu izahagura mu Rwanda tariki ya 20 Gashyantare uyu mwaka yerekeza i Bamako mu gihugu cya Mali.

Umukino ufungura irushanwa uzakinwa tariki ya 23 u Rwanda ruzahura na Mali, tariki ya 24 u Rwanda ruzakina na Nigeria naho tariki ya 25 Gashyantare u Rwanda rukine na Uganda. U Rwanda ruri mu itsinda rya kabiri aho ruri kumwe na Mali, Nigeria na Uganda.

Mu gice cya mbere (First round) amakipe atatu muri buri tsinda niyo azabasha ku zamuka mu gice cya kabiri (second round) akazaba ari amakipe 12 azagabanywamo amatsinda abiri ariyo itsinda rya gatanu ndetse n’itsinda rya gatandatu.

Ni ubwa mbere umugabane w’Afurika uzahagararirwa n’amakipe 5 mu gikombe cy’isi mu mukina wa Basketball. Imikino y’igikombe cy’isi izabera mugihugu cy’uBushinwa mu kwezi kwa Kanama kugeza Nzeli 2019.



LEAVE A REPLY

Please enter your comment!
Please enter your name here