Abatoza ba APR FC bakoje kubabazwa n’imyitwarire y’umukinnyi wayo Twizerimana Onesme umaze ibyumweru bibiri yaraburiwe irengero mu myitozo nta mpamvu.

Twizeyimana Onesme wa APR FC ashobora kwirukanwa burundu



Umukinnyi Twizeyimana Onesme bivugwa ko atarishimiye kuba APR yaraguze abandi bakinnyi basatira nka Iranzi. Kuva ukwezi kwa Gashyantare kwatangira ikipe ya APR FC yabuze umukinnyi wayo Onesme Twizerimana wafashe umwanzuro wo guhagarika imyitozo.

Abatoza ba APR FC baheruka uyu mukinnyi w’imyaka 23 tariki 27 Mutarama 2018 ubwo bakoraga imyitozo ya nyuma i Kigali mbere yo kwerekeza mu mwiherero tariki 29 Mutarama 2018 mu karere ka Rulindo i Shyorongi aho biteguriye umukino wa nyuma w’igikombe cy’Intwari batsinzemo Rayon sports 2-1.

Ubwo bagenzi be bajyaga mu mwiherero Onesme Twizerimana we ntiyabonetse kuva ubwo nkuko umutoza wungirije wa APR FC Didier Bizimana yabitangarije abanyamakuru nyuma yo gutsinda umukino wa gatatu wikurikiranya batamufite.

Yagize ati;“Onesme nta kibazo dufitanye nawe. Twagiye muri ‘Locale’ avuga ko atabonetse kuko atamenye gahunda. Twaramwihoreye ibye n’imyitwarire ye bizakurikiranwa n’ubuyobozi.”

Uyu mutoza ntiyashatse gutangaza byinshi ku myitwarire ya Onesme Twizerimana ariko byavugwa ko yafatiwe ibihano inshuro eshatu n’abayobozi n’abatoza b’ikipe ye mu mwaka n’igice ayimaze. Bishobora gutuma yirukanwa burundu kuri iyi nshuro.

Twizerimana waguzwe miliyoni 12 mu mpeshyi ya 2016 avuye muri AS Kigali yatsindiye APR FC ibitego bine gusa. Bivugwa ko atishimira kuba adahabwa umwanya wo gukina, none byahumiye ku mirari ubwo APR FC yaguraga abandi bakinnyi basatira nka; Iranzi Jean Claude, Savio Nshuti na Byiringiro Lague muri uku kwezi



LEAVE A REPLY

Please enter your comment!
Please enter your name here